Abstract:
Диссертацияда орта мектептердегі информатика пәні және оны модельдеу
негіздерін оқытудың педагогикалық дизайнын зерттеу мәселелері мен оның
қазіргі таңдағы цифрлық экономиканың қалыптасу кезеңіндегі өзекті
мәселелері мен даму деңгейі қарастырылады.Мектеп бағдарламасында
модельдеу тақырыбына байланысты сағат саны көрсетілген. Көптеген
зерттеушілердің пікірі бойынша информациялық модельдеудің педагогикалық
дизайны оқушыларды пәндік әдістемелік қалыптастыру құралы ретінде
маңызды рөл атқарады. Сондықтан мұғалімдердің кәсіби деңгейін көтеруге
және пәнаралық байланыстарды талдауға қосымша талаптар қойылады.
Диссертацияда модельдеу және педагогикалық дизайн ұғымдарына терең
түсінік беру арқылы кең талдау жасалған. Қорытынды бөлімде Қазақстандық
зерттеушілердің Ресей зерттеушілерімен бірлесе отырып, ортақ бағдарламамен
жұмыс істеуі және елімізде модельдеу негіздерін оқытудың педагогикалық
дизайны мәселесі аз зерттелген тақырып екенін көрсетеді. Сондықтан ғылыми
ақпараттық жаһандану үдерісі кезеңінде бұл тақырыптың маңыздылығы
күннен-күнге арта түсетіні сөзсіз.
